Qubanın dağlıq ərazilərinə qar yağıb
23.04.2020 [12:03]
Xəbərin mətni
Qubanın Xaltan, Qrız və Xınalıq kəndlərinə, eləcə də Böyük Qafqaz dağlarının ətəklərində yerləşən digər yaşayış məntəqələrinə qar yağıb.
AZƏRTAC-ın bölgə müxbiri xəbər verir ki, Xınalıqda qarın hündürlüyü 6 santimetr, Qrızda və Xaltanda isə 3 santimetr olub. Ən aşağı temperatur Qubanın Qrız kəndində qeydə alınıb. Burda temperatur mənfi 4 dərəcəyədək enib.
