Parisdə UNESCO İcra Şurasının növbədənkənar sessiyası çərçivəsində Qoşulmama Hərəkatının sədri kimi Azərbaycanın bəyanatı səsləndirilib. Bəyanatı Azərbaycan Respublikasının UNESCO yanında daimi nümayəndəsi, səfir Anar Kərimov təqdim edib.
AZƏRTAC xəbər verir ki, 209-cu sessiyada təqdim edilmiş bəyanatda təkcə insanların səhhətinə deyil, eyni zamanda, sosial həyatın ən vacib sahələrinə də təsir göstərmiş COVID-19 pandemiyası ilə bağlı Qoşulmama Hərəkatına üzv dövlətlərin narahatlığı ifadə olunub.