Orta əsrlərdə, xanlıqlar dövründə bəylərin, igidlərin, o dövrdəki döyüşçülərin üzərində gəzdirdiyi bıçaqlar, xəncərlər yəqin ki, çoxlarının görmək istədiyi əşyalardandır. İndi həmin dövrün milli bıçaq və xəncərlərimizi muzeylərdə, şəxsi kolleksiyalarda görmək olar. Onlar da sayılacaq qədər azdır. Buna baxmayaraq, həmin milli alətləri orijinal, milli işləmələrlə düzəldən ustalarımız da var. Belə ustalardan biri Qazax şəhərində yaşayan Qafur Nəbiyevdir.