Çinin Cıcian vilayətində sıxılmış təbii qaz daşıyan avtomobilin alovlanaraq partlaması nəticəsində ölənlərin sayı 19 nəfərə, xəsarət alanların sayı isə 172-yə yüksəlib.
AZƏRTAC xəbər verir ki, hadisə yerinə təcili yardım briqadaları, 450 yanğınsöndürən cəlb olunub. Qeyd edək ki, hadisə dünən Şenyan-Xaykou şosesində Tayçjou şəhər dairəsinin Venlin qəsəbəsi ərazisində baş verib. Qəza yerinə 450-dən çox yanğınsöndürən, altı təlim görmüş it, xilasedicilər, tibb işçiləri, polis əməkdaşları cəlb edilib.