İndiki koronavirus xəstələrinin vəziyyəti əvvəlkilərlə müqayisədə çox ağırdır.
AZƏRTAC xəbər verir ki, bunu “Tibbi Ərazi Bölmələrini İdarəetmə Birliyi”nin (TƏBİB) şöbə müdiri Yaqut Qarayeva Nazirlər Kabineti yanında Operativ Qərargahın brifinqində bildirib.
Onun sözlərinə görə, artıq virusun mutasiyası baş verir: “İndiki xəstələr daha ağırdır. İndi asimptomatik xəstələri daha az görürük. Bu gün cavan, orta yaşlı insanlarda xəstəliyin daha ağır fəsadlarını, ağciyərlərində ikitərəfli pnevmaniyaları müşahidə edirik”.