Mərkəzi Gömrük Hospitalının bu qəhrəmanları xüsusi geyimdə gecə-gündüz çalışır. Öz həyatlarını belə riskə atırlar. Aylardır doğmalarının, yaxınlarının üzlərinə həsrət qalıblar. Övladına toxuna bilməmək, bağrına basıb oxşaya bilməmək. Gerisini siz düşünün. Çöhrələrində olan yorğunluq, xüsusi geyimlərin törətdiyi fəsadlar. Bütün bu fədakarlıqlar isə sizlərin həyatını xilas etmək üçündür. Birgə düşünək. Bəs bizlər? Onları qorumamalıyıqmı? Sağlamlığımızın qorunması üçün özlərini sipər edən bu mübariz qəhrəmanları yalnız və yalnız alqışlayırıq.