Oyma, yonma, cızma üsulu ilə sənət əsərlərinin yaradılması ənənəsi ölkəmizdə tarixən mövcud olub. Əcdadlarımızın hələ qədim dövrlərdə daş üzərində oyub-cızdıqları rəsmlər, fiqurlar buna sübutdur.AZƏRTAC xəbər verir ki, bu gün ölkəmizdə bu sənəti yaşadan sənətkarlardan biri də Rauf İbrahimovdur. Salyan şəhər 4 saylı orta məktəbin təsviri incəsənət müəllimi işləyən oymaçı sənətkar böyük sevgiylə öz sənətini yaşadır.Bədii oyma ustasının gələcəklə bağlı arzuları çoxdur. O, istəyir ki, hazırladığı əl işlərinin satışı geniş təşkil olunsun, əldə etdiyi vəsaitlə şəxsi emalatxanasının tikintisinə nail olsun.