Dünya Velosiped Günü münasibətilə iyunun 9-da Bakıda təşkil olunan trek üzrə Federasiya Kuboku yarışında 15 yaşadək idmançılar arasında qaliblər müəyyənləşib.
AZƏRTAC xəbər verir ki, Respublika Velotrekində keçirilən turnirdə bir və iki dairə növlərində yarışlar başa çatıb. Bir dairə yarışında qızlardan İradə Abdulrəhmanova, oğlanlardan isə Tamerlan Vitovski birinci olub. İki dairə növündə isə qızlardan Radxa Şabanova, oğlanlardan isə Tamerlan Vitovski qalib gələrək fəxri kürsünün ən yüksək pilləsinə qalxıblar.