Fariz Cəfərov: 20-dən çox müəssisə üçün xüsusi yol xəritələri hazırlanır
18.02.2026 [11:41]
Xəbərin mətni
Azərbaycanda rəqəmsal transformasiya istiqamətində həyata keçirilən praktiki təşəbbüslər çərçivəsində müəssisələrə yerində baxışlar keçirilir və şirkətlərlə birbaşa görüşlər təşkil olunur. Bu prosesdə beynəlxalq ekspertlər də iştirak edir, şirkətlərin texnoloji spesifikasiyaları, infrastruktur hazırlığı, kadr potensialı və ümumi bilik səviyyəsi kompleks şəkildə qiymətləndirilir. Bunu İqtisadiyyat Nazirliyi yanında IV Sənaye İnqilabının Təhlili və Koordinasiya Mərkəzinin (4SİM) icraçı direktoru Fariz Cəfərov 2025-ci ilin yekunları ilə bağlı keçirilən hesabat xarakterli mətbuat konfransında çıxışı zamanı deyib.
