Sofiyada “Azərbaycanın arxeoloji irsi” mövzusunda sərgi təşkil olunub
24.05.2018 [17:31]
Xəbərin mətni
Azərbaycan Milli Elmlər Akademiyasının (AMEA) vitse-prezidenti, Nizami Gəncəvi adına Ədəbiyyat İnstitutunun direktoru, akademik İsa Həbibbəylinin rəhbərlik etdiyi nümayəndə heyəti Bolqarıstanda səfərdə olub. Səfər çərçivəsində Bolqarıstan Elmlər Akademiyasının (BEA) Eksperimental Morfologiya, Patologiya və Antropologiya (muzey ilə birgə), Ədəbiyyat və Milli Arxeologiya (muzey ilə birgə) institutlarında görüşlər keçirilib, AMEA-nın Ədəbiyyat İnstitutu ilə BEA-nın Ədəbiyyat İnstitutu, AMEA-nın Arxeologiya və Etnoqrafiya İnstitutu ilə BEA-nın Milli Arxeologiya İnstitutu (muzey ilə birgə) arasında əməkdaşlıq haqqında sazişlər imzalanıb və əməkdaşlığın perspektivləri müzakirə olunub.
