CƏMİYYƏT


Paytaxtın Nəcəfqulu Rəfiyev küçəsinin bir hissəsi təmir olunub

Paytaxtın Xətai rayonunun Nəcəfqulu Rəfiyev küçəsinin Xocalı və Nobel prospektlərinin kəsişməsində yerləşən hissəsində aparılan təmir işləri yekunlaşdırılıb.
Azərbaycan Avtomobil Yolları Dövlət Agentliyinin İctimaiyyətlə əlaqələr şöbəsindən AZƏRTAC-a bildirilib ki, qısa müddət ərzində icra olunan təmir işləri küçənin 410 metrlik hissəsini əhatə edib. Küçənin sözügedən hissəsində yaranan çalalar və torşəkilli çatların gələcəkdə yol yatağına vura biləcək daha ciddi zərərin qarşısını almaq məqsədilə asfalt-beton örtüyünün aşınma qatı tam olaraq yenilənib.

© Materiallardan istifadə edərkən hiperlinklə istinad olunmalıdır