“Azərişıq” Açıq Səhmdar Cəmiyyəti (ASC) Ağıllı Şəbəkələr konsepsiyasının həyata keçirilməsində daha bir yenilik edir. Kommunal sferada ilk dəfə xüsusi təyinatlı uçuş aparatları “Azərişıq” ASC tərəfindən tətbiq olunur.
ASC-dən AZƏRTAC-a bildirilib ki, Ağıllı Şəbəkələr konsepsiyası tamamilə müasir və innovativ texnologiyaların istifadəsi üzərində qurulub. Bu konsepsiya çərçivəsində artıq reallaşdırılmış müasir tipli mühafizəli və izolyasiyalı yüksəkgərginlikli xətlərinin, 3D-mobil xəritəçilik sisteminin, məsafədən optik portla elektrik sayğaclarının oxunması və mövcud idarəetmə platformasına inteqrasiya işləri uğurla davam etdirilir.