Mayın 16-da Niderlandın ev sahibliyi etdiyi “Eurovision-2021”mahnı müsabiqəsinin rəsmi açılış mərasimi baş tutub. Rotterdam şəhərində keçirilən tədbirin açılış mərasimində Azərbaycan təmsilçisi Samirə Əfəndi də yer alıb. Təmsilçimiz aparıcının suallarını cavablandırıb. Samirə Əfəndi birinci yarımfinalda 14-cü nömrə ilə çıxış edəcək. İfaçı “Mata Hari” mahnısı ilə Rotterdamda səhnəyə çıxacaq. “Eurovision-2021” in yarımfinalı mayın 18-də və 20-də keçiriləcək, final yarışması isə mayın 22-ə təyin olunub.