Çində sərnişin gəmisinin qəzaya uğraması nəticəsində 8 nəfər ölüb
19.09.2021 [12:27]
Çinin cənub-qərbində gəmi qəzası baş verib. Bu barədə CGTN telekanalı məlumat yayıb.
Məlumata görə, hadisə Beypanzyan çayında, Quyçjou əyalətinin sahilində baş verib. Sərnişin gəmisinin çevrilməsi nəticəsində azı 8 nəfər həlak olub. Qeyd edilir ki, hadisə zamanı gəmidə olanlardan 31-i xilas edilib. Qəza zamanı daha bir neçə nəfər itkin düşüb.
