Aprelin 2-də "Autizm Maarifləndirmə Günü" çərçivəsində Bakıda mavi işıqlandırma təşkil olunub. Birgə və Sağlam İctimai Birliyinin rəhbəri Aytən Eynalova bildirib ki, “Mavi rənglə işıqlandır” layihəsi indiyədək dünyanın 136 ölkəsində 600-dən çox şəhərdə tarix və memarlıq abidələrinin üzərində həyata keçirilib. Layihənin məqsədi autizmli uşaqların və onların ailələrinin problemlərini cəmiyyətin diqqətinə çatdırmaqdır.