Bakının Azneft dairəsində hərəkət məhdudlaşdırılıb. Belə ki, təmir işləri ilə əlaqədar bu gün saat 16:00-dan sabah günün sonunadək ərazi bağlı olacaq.

Bu barədə AZƏRTAC-a Bakı Şəhər Dövlət Yol Polisi (DYP) İdarəsinin baş inspektoru polis mayoru Araz Əsgərli açıqlama verib. O bildirib ki, paytaxtın Azneft dairəsində asfalt örtüyünün dəyişdirilməsi məqsədilə təmir-bərpa işləri aparılır: “Belə ki, bu gün saat 16:00-dan etibarən sabah günün sonunadək ərazi bağlanacaq. Bunu nəzərə alaraq sürücülərdən həmin ərazilərdə şəxsi avtomobillərdən mümkün qədər az istifadə etməyi xahiş edirik”.