ELM VƏ TƏHSİL


Parisdə azərbaycanlı doktorantlarla konfrans keçirilib

Azərbaycanın Fransadakı səfirliyi, Elm və Təhsil Nazirliyi və “Alim” Elmi Assosiasiyasının birgə təşkilatçılığı ilə “Heydər Əliyev İli” çərçivəsində azərbaycanlı doktorantlarla konfrans keçirilib.
AZƏRTAC xəbər verir ki, səfirliyin Mədəniyyət Mərkəzində keçirilən konfransda çıxış edən səfir Leyla Abdullayeva Heydər Əliyevin əsasını qoyduğu gənclər siyasətinin dövlət siyasətinin mühüm tərkib hissəsi olduğunu bildirib. Qeyd edib ki, Ulu Öndər gənclərin təhsili məsələsinə xüsusi önəm verib və bunun nəticəsində Azərbaycan gəncləri beynəlxalq aləmdə mühüm uğurlara imza atıblar. Ulu Öndərin səyləri sayəsində minlərlə azərbaycanlı gənc dünyanın qabaqcıl ali məktəblərində təhsil alıb.