Artıq işə götürülmə zamanı bağlanan əmək müqaviləsi bildirişi ləğv olunur. Belə ki, bunun əvəzinə əmək müqaviləsi elektron informasiya sistemində elektron sənəd formasında bağlanacaq. Bu barədə yeni qaydalar Prezident İlham Əliyevin Əmək Məcəlləsinə dəyişikliklərlə bağlı imzaladığı Fərmanda öz əksini tapıb. Qanuna əsasən, siyahısı müvafiq icra hakimiyyəti orqanı tərəfindən təsdiq edilmiş dövlət orqanlarında çalışan, eləcə də əmək müqavilələrinə 2014-cü il iyulun 1-dək xitam verilmiş işçilərin əmək stajı onların əmək kitabçası əsasında müəyyən ediləcək.