İşğaldan azad edilmiş ərazilərin bərpası, milli iqtisadiyyata sürətli inteqrasiyası, dayanıqlı inkişafının təmin olunması üçün genişmiqyaslı tədbirlər görülür. Keçmiş məcburi köçkünlərin öz ata-baba yurdlarında məskunlaşmasından sonra məşğulluğunun təmin edilməsi də ilkin mərhələdə həyata keçirilən tədbirlər sırasındadır.
Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramının Tədbirlər Planının 3.1.6-cı bəndinə əsasən, Zabux sakini Ziyadxan Məmmədov məşğulluğunun təmin edilməsinə dəstək verilmiş şəxslərdən biridir. O, 60-a yaxın arı ailəsi, arı yeşikləri və müxtəlif ləvazimatlarla (çərçivə, arıçı geyimi, mum əridən qurğu, arı şanı, bal süzən qurğu və s.) təmin olunub.