“Tələbat çoxdur, beh göndərin mənzili sizin üçün saxlayaq”. “1 aylıq ödənişi əvvəlcədən verməlisiniz”. Bu cümlələr kibercinayətkaların daha bir dələduzluğunda istifadə olunan cümlələrdir. Bu dəfə isə hədəfdə kirayə mənzil axtaran tələbələr və onların valideynləridir. Belə ki, virtual oğrular saxta kirayə ev elanlarını saytlarda paylaşırlar və həmin elanlarla maraqlanan vətəndaşlardan müxtəlif bəhanələrlə əvvəcədən ödənişi alıb, sonra isə sözün əsl mənasında qeybə çəkilirlər. İnformasiya texnologiyaları üzrə ekspert Abdulhüseyn Ağayevin sözlərinə görə, həmin elanların saxta olduğunu bilmək üçün bir neçə nüansa diqqət etmək kifayətdir.