"Qarabağ bizim onurğa sütunumuzdur. Bu gün biz bu ərazilərin torpaqdan yurda çevrilməsinin şahidiyik. Qayıdış sevgi ilə həyata keçirilir. Bu sadəcə nə vaxtsa yaşadığın torpaqlara qayıdış deyil, bu yurduna qayıdışıdır, doğma yurdunda ocaq yandırmaq həsrəti idi. Biz orada əbədi olacağıq”, - bu fikirləri Azərbaycan Respublikasının əməkdar incəsənət xadimi, teatr və kino rejissoru Mehriban Ələkbərzadə deyib. Onun fikrincə, işğaldan azad olunmuş ərazilərə keçmiş məcburi köçkünlərin qayıdışı yenidən doğulmağa bərabərdir.