Kabine Dumbiya: Fransa şirkətləri Malinin qiymətli təbii sərvətlərini talayırlar
14.11.2024 [19:18]
Bu gün müstəmləkəçiliyin mənfi təsirlərindən danışanda Malidə də mədənçıxarma sənayesinin yaratdığı problemlərdən danışa bilərik. Fransanın “Areva” şirkəti Malidə uraniumu istismar edir və nəticədə ətraf mühiti çirkləndirir. Yerli xalq bu çirklənmənin ağır nəticələrinin qurbanı olur. Malinin uranium ehtiyatından Fransa bəhrələnir.
Bu fikirləri AZƏRTAC-a müsahibəsində COP29 çərçivəsində Bakı Təşəbbüs Qrupunun (BTQ) Sahel Dövlətlər Konfederasiyasını təmsil edən “ASRAD” qeyri-hökumət təşkilatı ilə birgə təşkil etdiyi "Afrikada investisiya perspektivlərinə müstəmləkəçiliyin mənfi təsirləri" tədbirinin moderatoru, BMT-də statusu olan “ECOSOC” qeyri-hökumət təşkilatının koordinatoru Kabine Dumbiya deyib. O bildirib ki, Nigerdə də eyni vəziyyətdir: “Ölkələrin təbii sərvətləri Fransa tərəfindən istismar edilir, yerli əhali isə elektriksiz yaşayır.
