Azərbaycan Dövlət İnformasiya Agentliyi

CƏMİYYƏT

Bakıda Holokost soyqırımı qurbanlarının xatirəsi anılıb

27.01.2025 [15:00]

Xəbərin mətni

Yanvarın 27-də Bakı Beynəlxalq Multikulturalizm Mərkəzinin (BBMM) təşkilatçılığı ilə “Holokost soyqırımı müasirlərin gözü ilə” mövzusunda dəyirmi masa təşkil olunub.
AZƏRTAC xəbər verir ki, əvvəlcə ölkəmizin suverenliyi, müstəqilliyi və ərazi bütövlüyü uğrunda mübarizədə şəhid olmuş Azərbaycanın qəhrəman övladlarının, Xocalı soyqırımı və Holokost qurbanlarının xatirəsi bir dəqiqəlik sükutla yad edilib.
Dəyirmi masada çıxış edən BBMM-nin icraçı direktoru Rəvan Həsənov bildirib ki, Holoksot soyqırımı insanlığın yaşadığı ən utancverici faciələrdən biridir. O, Holokostun insanlığa, bəşəriyyətə qarşı törədilən dəhşətli cinayətlərdən biri olduğunu vurğulayıb.