ABB ötən ili 360 milyon manat məbləğində xalis mənfəətlə başa vurub
08.05.2025 [12:48]
Xəbərin mətni
Azərbaycan Beynəlxalq Bankı (ABB) 6 ildir səhmdarlarına ardıcıl yüksək dividend ödǝyǝn sağlam, dayanıqlı və mənfəətlə çalışan bankdır. Bu il ilk dəfə kütləvi emissiyadan sonra sayları 30 mindən çox olan səhmdarlarımızla gəlirlərimizi bölüşəcəyik. Çünki ABB 2024-cü ili də strateji inkişaf tarixinin ən uğurlu illərindən biri kimi, 360 milyon manat məbləğində xalis mənfəətlə tamamlayıb. Bunu ABB-nin İdarə Heyətinin sədri Abbas İbrahimov “ABB-nin dayanıqlılıq hesabatına dair” mətbuat konfransında deyib.
