Samir Məmmədov: Son üç ildə İRİA tərəfindən 600-dən çox startap dəstəklənib
20.08.2025 [12:17]
Xəbərin mətni
Son illərdə ölkəmizin innovasiya ekosistemində genişmiqyaslı işlər görülüb. İnnovasiya və Rəqəmsal İnkişaf Agentliyinin (İRİA) dəstəyi ilə son 3 ildə müxtəlif inkubasiya və akselerasiya proqramları, hakatonlar və ideatonlar təşkil edilib. Bu çərçivədə 600-dən çox startap dəstəklənib və onların əhəmiyyətli bir hissəsi – 275-dən çoxu minimum işlək məhsul mərhələsinə qədər inkişaf edib. Bu barədə rəqəmsal inkişaf və nəqliyyat nazirinin müavini Samir Məmmədov regionlarda həyata keçirilən innovasiya proqramının yekun təqdimat mərasimində deyib.
