Heyvan satışı bazarlarında dezinfeksiya tədbirləri aparılır
22.10.2025 [17:22]
Xəbərin mətni
İri və xırdabuynuzlu mal-qaranın təhlükəli infeksion xəstəliklərdən qorunmasını təmin etmək məqsədilə profilaktiki tədbirlər davam etdirilir. Bu məqsədlə heyvan satışı məntəqələrində, əsasən də mal bazarlarında mexaniki təmizləmə və dezinfeksiya tədbirlərinə başlanılıb. Aqrar Xidmətlər Agentliyinin Heyvan Sağlamlığı və Baytarlıq Xidmətləri Mərkəzi ilə Azərbaycan Qida Təhlükəsizliyi Agentliyinin (AQTA) birgə həyata keçirdiyi növbəti tədbir Xaçmaz rayonunda yerləşən heyvan satışı bazarında keçirilib.
