İlmələrlə dəyişən həyat
03.02.2026 [11:37]
Xəbərin mətni
Əlilliyi olan şəxslərin cəmiyyətə daha fəal qoşulması, bacarıqlarını inkişaf etdirməsi və arzuladıqları peşəyə yiyələnməsi üçün yaradılan imkanlar onların həyatında mühüm dəyişikliklərə yol açır. Bu baxımdan, DOST İnklüziv İnkişaf və Yaradıcılıq Mərkəzində yaradılan şərait bir çox insan üçün yeni ümid, yeni başlanğıcdır. Uşaqlıq xəyallarını ilmə-ilmə gerçəkliyə çevirən Gülnarə Abbasovanın həyat hekayəsi dövlətin yaratdığı inklüziv mühitin fərdi talelərə necə rəng qatdığının ən bariz nümunəsidir.
