Əşyaların öz hekayəsini “pıçıldadığı” məkandan REPORTAJ
18.04.2026 [17:26]
Xəbərin mətni
Zamanın izlərini daşıyan əşyaların səssiz dili var. Bu gün üz tutduğumuz məkan isə sanki keçmişlə bu gün arasında qurulan bir körpüdür. Əntiq əşyalar mağazasında hər detal bir xatirəni, hər köhnə əşya isə bir hekayəni yaşadır. Ötən əsrlərə aid saatlar, fotoaparatlar, kameralar, telefonlar, cürbəcür suvenirlər, pullar, sikkələr, samovarlar, zinət əşyaları, vaxtilə dəbdə olan ətirlər. Burada keçmişin izini özündə daşıyan hər cür əşyaya rast gəlmək mümkündür. Bura adi mağaza deyil, hər bir əşyanın müştərini dayandırıb öz hekayəsini “pıçıldamaq” istədiyi bir məkandır. Biz isə indi həmin səsləri dinləməyə gəlmişik.
Müxbirlər - Göyçək Mahmudlu, Alvina Həsənova, Nəzrin Qurbanova, Fərid Səlimov
Videooperator - Ceyhun Mustafayev
Fotoqraf - Azər İbrahimov
Montaj - Nurlan Abdullayev
