Fevralın 7-də Milli Məclisdə gənclər və idman komitəsinin üzvləri ölkəmizdə səfərdə olan Avropa Şurasının Antidopinq Konvensiyası üzrə monitorinq qrupu ilə görüşüblər. AZƏRTAC xəbər verir ki, komitənin sədri Fuad Muradov idman sahəsində mühüm nailiyyətlərə imza atan, mötəbər beynəlxalq yarışlara ev sahibliyi edən Azərbaycanda antidopinqin vacibliyinin daim diqqətdə saxlanıldığını bildirib.