“Qarabağın səsi” aksiyasına təqdim olunan rəsm əsərləri sərgisinin seçim mərhələsi keçirilib
15.02.2018 [20:07]
Xəbərin mətni
Fevralın 15-də Dövlət Təhlükəsizliyi Xidmətinin Mədəniyyət Mərkəzində “Qarabağın səsi” aksiyasına təqdim olunan rəsm əsərlərinin seçim mərhələsi keçirilib. Aksiya Heydər Əliyev Fondunun vitse-prezidenti Leyla Əliyevanın təşəbbüsü ilə reallaşdırılan “Xocalıya ədalət!” beynəlxalq təbliğat-təşviqat kampaniyası çərçivəsində təşkil olunur.
AZƏRTAC xəbər verir ki, seçim mərhələsindən əvvəl layihənin rəhbəri Murad Qulubəyli Xocalı soyqırımının xalqımızın qan yaddaşı olmasından söhbət açıb. Qeyd edib ki, seçim mərhələsinə 300-dən çox əsər qəbul olunub.
