Azərbaycan və Türkiyə diasporları arasında səmərəli əməkdaşlıq bütün türk dünyası üçün ortaq dəyərdir. İkinci Qarabağ müharibəsi çərçivəsində davamlı əməkdaşlıqla əzəmətli güc ortaya qoyduq. AZƏRTAC xəbər verir ki, bu fikirləri Türkiyə Xaricdə Yaşayan Türklər və Əqrəba İcmaları Baş İdarəsinin rəhbəri Abdullah Eren ifadə edib.Azərbaycan və Türkiyə diasporları arasında əməkdaşlıq münasibətlərin səviyyəsini yüksək dəyərləndirən Baş İdarə rəisi əminliklə bildirib ki, ortaq təcrübə digər türk dövlətlərinin diaspor təşkilatları ilə də əməkdaşlığın inkişafına təkan verəcək.