Qobustan rayonu mağaralar, türbələr, karvansaraylar, eləcə də digər tarixi abidlərlə zəngindir. Azərbaycanın ən qədim yaşayış yerlərindən olan Qobustan vaxtilə Şirvan vilayətinin tərkibində idi. Qədim türk sözü olan “qobu” (qobi) - quru, susuz yer, ölkə, oba mənasını daşıyır.
Rayona gələn yerli və xarici qonaqlar əsasən qədim abidələri görməyə üz tuturlar. Turistlərin daha çox ziyarət etdikləri tarixi abidlərdən biri də Şah Abbas karvansarayıdır.