Böyük Qayıdışın ünvanlarından olan Laçın şəhərində hər ötən gün əlamətdar bir an olaraq yaddaşlara həkk olunur. İndi Laçında “Can Laçın” Yarmarkasına start verilib.
AZƏRTAC-ın bölgə müxbiri xəbər verir ki, Laçında Həkəri çayının kənarında düzənlənən “Can Laçın” yarmarkası həm də bayram ab-havası ilə laçınlılara xoş təəssürat bəxş edib. Yarmarkada Laçında istehsal olunan kənd təsərrüfatı məhsulları, müxtəlif əl işləri yer alıb.