CƏMİYYƏT


Bakıda keçirilən forumda Birləşmiş Ərəb Əmirliklərinin müxtəlif sahələr üzrə 30-a yaxın yüksəkvəzifəli rəsmiləri iştirak edir

Bakıda Azərbaycan-Birləşmiş Ərəb Əmirlikləri (BƏƏ) Nazirlərinin Təcrübə Mübadiləsi Forumu işə başlayıb.
AZƏRTAC xəbər verir ki, tədbir Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin və BƏƏ-nin Kabinet İşləri Nazirliyinin birgə təşkilatçılığı ilə keçirilir.
“Azərbaycan Respublikası Hökuməti ilə Birləşmiş Ərəb Əmirlikləri Hökuməti arasında hökumət təcrübələrinin mübadiləsi üzrə əməkdaşlığa dair Anlaşma Memorandumu"nun icrası çərçivəsində təşkil olunan forumda bu ölkənin müxtəlif sahələr üzrə 30-a yaxın, o cümlədən ölkəmizin yüksəkvəzifəli rəsmiləri iştirak edirlər.