Boş sinif otağı, komputer və müəllim. Pandemiya şəraiti təhsil alanlarla təhsil verənləri bu formada dərs keçməyə belə desək, məcbur edib. Sentyabrın 15-dən ibtidai siniflər həftədə iki dəfə olmaqla məktəbdə əyani formada dərslər keçsə də, qalan günlərdə onlar dərsləri distant formada mənimsəyir. Həmçinin 5-ci sinifdən 11-ci sinifə qədər təhsil alan şagirdlər də dərslərə distant formada başlayıb. Bəs görəsən distant təhsildə şagirdlər dərsləri nə dərəcədə mənimsəyə bilir?