Milli-mənəvi irsimizin kökləri qədim xalq sənətləridir. Misgərlik, papaqçılıq, qalayçılıq, keramika, milli kimliyimizin tarixini əks etdirir. Əfsuslar olsun ki, müasir texnologiyalar fonunda bu sənətlər arxa plana sıxışdırılıb. Qalayçılıq - mis qabların pas atmaması üçün qalaylanması ilə məşğul olan peşədir.
Bu sənət vaxtilə Bakı, Quba, Şəki, Gəncə, Naxçıvan, Şamaxı və Lahıcda geniş yayılmışdı. Əslən Lahıçdan olan qalayçı Zahid Eyvazov dədə-baba sənətinin davamçısıdır. O, bu sənəti 13 yaşında atasından öyrənib.