ELM VƏ TƏHSİL


Ağdamın “Alıbəyli-2” qəsəbəsində məktəb binası əsaslı təmir edilib

Ağdam rayon “Alıbəyli-2” qəsəbəsindəki 96 şagird yerlik məktəb binası əsaslı təmir edilib.
Tikintidə iş icraçısı Aslan Əhmədov AZƏRTAC-ın bölgə müxbirinə bildirib ki, məktəb binasının bünövrəsində bərkitmə işləri aparılıb, dam örtüyü tamamilə təzələnib, qapı-pəncərələr, döşəmə və tavan dəyişdirilib, suvaq, rəngsaz işləri həyata keçirilib, müasir tipli istilik sistemi qurulub. Məktəbin həyətində içməli, çirkab, yanğın əleyhinə su anbarları, qazanxana və sanitar qovşaq tikilib, yerə asfalt örtük döşənib, abadlıq işləri aparılıb. Yaxın günlərdə məktəb lazımi mebel və avadanlıqlarla təchiz ediləcək.