MƏDƏNİYYƏT


Türkiyədə müalicə alan qazilərimiz üçün təntənəli bayram proqramı təşkil olunub

Martın 19-da Azərbaycanın Türkiyədəki səfirliyi nəzdində hərbi attaşelik aparatı tərəfindən Novruz bayramı münasibətilə Türkiyədə müalicə alan və reabilitasiya prosesi keçən qazilərimiz üçün Bursa şəhərində təntənəli bayram mərasimi təşkil edilib.
AZƏRTAC xəbər verir ki, Bursanın əzəmətli “Sheraton” otelində təşkil olunan bayram şənliyində Ankara, Kocaeli və Bursa şəhərlərində bərpa və müalicə prosesi keçən qazilərimiz, eləcə də onların ailə üzvləri, qazilərimizi müalicə edən həkimlər və digər tibb işçiləri, Bursada təhsil alan tələbələrimiz, habelə Azərbaycanın Türkiyədəki səfiri Rəşad Məmmədov, İstanbuldakı baş konsulumuz Nərminə Mustafayeva, Azərbaycanın Türkiyədəki hərbi attaşesi polkovnik Müşfiq Məmmədov, yerli hakimiyyət orqanlarının təmsilçiləri iştirak ediblər.