İşğaldan azad edilmiş Şuşa şəhərində 1 nömrəli məktəb üçün 960 şagird yerlik binanın tikintisi davam etdirilir.
Tikintidə iş icraçısı Rüfət Şəfiyev AZƏRTAC-ın bölgə müxbirinə bildirib ki, bir hektar ərazidə inşa edilən üçmərtəbəli məktəb binası beş blokdan ibarət olacaq. Binanın ümumi tikinti sahəsi 3 min 261 kvadratmetrdir. Məktəb binasında sinif otaqları, laboratoriya və fənn kabinələri, akt zalı, idman zalı, kitabxana, yeməkxana, xidməti otaqlar yaradılacaq.