Almaniyanın Düseldorf şəhərində at polosu üzrə 14-cü Avropa çempionatında qrup mərhələsinin ikinci turunun oyunları keçirilib.
Azərbaycan Respublikası Atçılıq Federasiyasının (ARAF) mətbuat xidmətindən AZƏRTAC-a verilən məlumata görə, Elçin Camallı, Tərlan Qurbanəliyev, Xoakin Kopello və Andres Ernesto Lorentonun təmsil olunduqları millimiz bu dəfə son qitə çempionu İtaliyaya 6-1 hesabı ilə qalib gəlib.
Çempionatın ən yaxşı oyunçusu hesab olunan yığmamızın kapitanı Elçin Camallı bu dəfə 4 qolu öz aktivinə yazdırıb. Beləliklə, yüksək nəticələr əldə edən millimiz bombardirlər siyahısında da yer alıb.