Biz qəti şəkildə inanırıq ki, insan hüquqlarının tam şəkildə həyata keçirilməsi bütün insanların davamlı sülhü, inkişafı və rifahı üçün vacibdir. Azərbaycan əmindir ki, tolerantlığın və ayrı-seçkiliyin qarşısının alınması insanların hüquqlarının müdafiəsinin təmin edilməsində və davamlı cəmiyyətlərin qurulmasında mühüm elementdir. Biz dözümsüzlük və ayrı-seçkiliyin artması tendensiyası, islamofobiya, digər dini yanlış təsəvvürlər və nifrət nitqinin həyəcan verici artımından narahatıq. Dünyanın bəzi yerlərində ifadə azadlığı adı altında müqəddəs Qurani-Kərimin yandırılması və təhqir edilməsi yolverilməzdir və nifrət cinayətləri təşkil edir.
AZƏRTAC xəbər verir ki, bu sözləri xarici işlər naziri Ceyhun Bayramov BMT İnsan Hüquqları Şurasının 54-cü sessiyasında çıxışı zamanı deyib.