Yeni Azərbaycan Partiyası ilə Çin Kommunist Partiyası arasında fəal dialoq ölkələrimiz və xalqlarımız arasında dostluq münasibətlərinin möhkəmlənməsinə, çoxşaxəli əməkdaşlığımızın dərinləşməsinə və bütövlükdə Azərbaycan-Çin münasibətlərinin inkişafına mühüm töhfələr verir. Bu fikirlər Milli Məclisin Müdafiə, təhlükəsizlik və korrupsiya ilə mübarizə komitəsinin sədri Ziyafət Əsgərovun rəhbərliyi ilə Yeni Azərbaycan Partiyası nümayəndə heyətinin Çinə səfəri zamanı keçirilən görüşlərdə səslənib. Qeyd olunub ki, Azərbaycan Prezidenti İlham Əliyev ilə Çin Xalq Respublikasının Sədri Si Cinpinin siyasi iradələrinə uyğun olaraq iki hakim partiya arasında əməkdaşlığın dərinləşdirilməsi istiqamətində mühüm addımlar atılır.