CƏMİYYƏT


Birinci Qarabağ müharibəsinin şəhidi Göyçayda dəfn olunub

Birinci Qarabağ müharibəsində itkin düşmüş hesab olunan Eldarov Rasim Səfər oğlunun meyitinin qalıqları Göyçay rayonuna gətirilib. O, Füzuli rayonunun Kürdmahmudlu kəndində naməlum şəhid kimi dəfn olunmuşdu.
AZƏRTAC-ın bölgə müxbiri xəbər verir ki, şəhidin nəşi bu gün rayonun Ulaşlı-Şıxlı kəndinə gətirilib və vida mərasimi keçirilib. Vida mərasimində kənd sakinləri, şəhidin ailə üzvləri, qazilər, eləcə də rayon icra hakimiyyətinin, hüquq-mühafizə orqanlarının əməkdaşları, ictimaiyyət nümayəndələri iştirak ediblər.