FHN: Köməksiz vəziyyətdə qalan azyaşlı xilas edilib
16.07.2024 [09:46]
Fövqəladə Hallar Nazirliyinin “112” qaynar telefon xəttinə Gəncə şəhəri, Tağı Arani küçəsində azyaşlının köməksiz vəziyyətdə qalması barədə məlumat daxil olub. Məlumatla əlaqədar dərhal FHN-in Gəncə Regional Mərkəzinin xilasediciləri əraziyə cəlb olunub. Əməliyyat şəraitinə uyğun olaraq xilasedicilər tərəfindən xüsusi xilasetmə vasitələrinin köməyi ilə həyata keçirilmiş xiıasetmə tədbirləri nəticəsində ayağı yaşayış binasının divarı ilə metal boru arasında sıxılıb qalan 2015-ci il təvəllüdlü azyaşlı xilas edilib.
