Azərbaycanda 6 qədim yemiş sortunun bərpası həyata keçirilib
30.07.2024 [17:40]
Xəbərin mətni
Tərəvəzçilik Elmi Tədqiqat İnstitutunun seleksionerləri Azərbaycanın 6 qədim yemiş sortunun bərpasını həyata keçiriblər. Azərbaycanın müxtəlif bölgələrinə ekspedisiyalar zamanı itməkdə olan yemiş sortlarının toxumlarından nümunələr götürülüb.
Kənd Təsərrüfatı Nazirliyindən AZƏRTAC-a bildirilib ki, nümunələr institutun seleksiyaçı alimləri tərəfindən öyrənildikdən sonra biotexnologiya laboratoriyasında çoxaldılıb və ilkin toxumçuluq həyata keçirilib. Yenidən bərpaolunan qədim yemiş toxumlarının Kürdəmir rayonundakı fərdi təsərrüfatda eksperimental əkini aparılıb.
