2024-2025-ci tədris ili üzrə mayın 1-dən start verilən uşaqların I sinfə elektron qəbulu prosesi davam edir. Hazırda ölkə üzrə bütün ümumi təhsil müəssisələrində Azərbaycan və digər bölmələr üzrə sərbəst qaydada məktəb və müəllim seçimi aparılır. Yeni tədris ilində birinci sinfə qəbulu proqnozlaşdırılan məktəbyaşlı uşaqların sayı ilə qeydiyyatdan keçənlərin sayında fərq müşahidə edilir. Belə ki, bu rəqəm təxminən 130 min proqnozlaşdırılsa da hazırda məktəb və müəllim seçimi edən uşaqların sayı 126 mindən çoxdur.