Gənclərin xarici ölkələrin nüfuzlu ali təhsil müəssisələrində təhsil almalarına dair Dövlət Proqramına əsasən sənəd qəbulu üzrə 205 namizəd proqram iştirakçısı adını qazanıb. Növbəti tədris ilində Dövlət Proqramı çərçivəsində bakalavriat üzrə 125, magistratura səviyyəsi üzrə 375 nəfər olmaqla ümumilikdə 500 namizəd xaricdə təhsil alacaq. Daha öncə bu şansdan yararlanan gənclərimizdən biri də Toğrul Məmmədlidir. O, bakalavr üzrə təhsilini İngiltərənin York Universitetinin kompüter elmləri fakultəsində alıb. Toğrul təhsilini Dövlət Proqramına dair təqaüdlə başa vurub.