Bu gündən ali təhsil müəssisələrinə boş qalan plan yerlərinə ikinci tur ixtisas seçimi başlayır. Bu mərhələdə 1-ci şansda uğurlu olmayan və ya ixtisas seçimi etməyən abituriyentlər və subbakalavrlar iştirak edə bilər. İxtisas seçimi 2 sentyabr saat 23:59-dək aparılacaq. Boş qalan plan yerləri 1-ci ixtisas qrupu üzrə 1630, II ixtisas qrupu üzrə 387, III ixtisas qrupu üzrə 590, IV ixtisas qrupu üzrə 450 yer təşkil edir. V ixtisas qrupu üzrə isə qabiliyyət tələb etməyən ixtisaslar üçün boş yer qalmayıb. Lakin iştirakçıların bu mərhələdə diqqət etməli olduqları məqamlar var.