Müasir dövrdə hər bir peşə və sənət növü özünəməxsusluğu ilə seçilir. Lakin bəzi peşələr var ki, artıq unudulmaq təhlükəsi ilə üz-üzə qalıb. Dülgərlik də bu qəbildən olan qədim peşələrdən biridir.
AZƏRTAC-ın bölgə müxbiri xəbər verir ki, bu sənəti unudulmağa qoymayan sənətkarlardan biri də Lənkəran şəhər sakini Fəzail Şahverdiyevdir. Fəzail usta mətbəxdə istifadə olunan qablar, güldanlar, quş yuvaları və digər ev əşyaları hazırlamaqla məşğuldur. Onun hazırladığı məişət əşyaları zəhmət və incəliklə yaradılır, hər bir əşya özündə həm sənət, həm də funksionallığı birləşdirir. Ustanın əllərindən çıxan hər bir məhsul onun sənətə olan sevgisinin və bacarığının bir nümunəsidir.