Əşyalar daşınır, gözaydınlığı verilir... - Ballıcada köç günü REPORTAJ
23.10.2026 [17:20]
Xəbərin mətni
Xocalı rayonunun Ballıca kənd sakini Sevinc Məmmədova bir il əvvəl doğma yurdunda məskunlaşıb. Bu gün isə onun sevincinə daha bir sevinc qarışıb: oğlu Teyyub da həyat yoldaşı və iki azyaşlı qızı ilə ata-baba yurduna qayıdıb. Ana oğlunun yeni evinə gözaydınlığına gəlib, qohumlar ailənin əşyalarını evə daşımağa kömək edirlər. Bu gün Məmmədovların bir arzusu da gerçəkləşir – vaxtilə doğma torpağından ayrı düşən ailənin yeni nəsli indi Qarabağda böyüyəcək.
